Passport holder from the following countries and Taiwan are eligible to apply Visa On Arrival for Business Visa, Workshop/Seminar/Meeting/Research Visa, Transit Visa and Crew Visa:
| Australia | Cyprus | India | Luxembourg | Romania | UK |
| Austria | Croatia | Indonesia | Malaysia | Russia | USA |
| Belgium | Denmark | Italy | Malta | Switzerland | Ukraine |
| Brazil | DPRK | Ireland | Norway | Singapore | Vietnam |
| Brunei | Estonia | Israel | New Zealand | South Africa |
| Bulgaria | France | Japan | Netherland | Spain |
| China | Finland | Korea | Nepal | Sweden |
| Canada | Germany | Laos | Poland | Slovakia |
| Cambodia | Greece | Latvia | Philippines | Slovenia |
| Czech | Hungary | Lithuania | Portugal | Thailand |
Passport holder from the following countries are eligible to apply Visa On Arrival for Tourist Visa:
| China | Italy | Australia | Germany |
| India | Spain | Switzerland | Russia |
Passport holders from the following countries will eligible to apply Visa On Arrival for Tourist Visa starting on 01 January 2020:
| Austria | Hungary | New Zealand |
| Czech | Luxembourg |
ရန်ကုန်အပြည်ပြည်ဆိုင်ရာ ဆိပ်ကမ်းသို့ ကမ္ဘာလှည့်ခရီးသည်တင် အပျော်စီး သင်္ဘောများဖြင့် ရောက်ရှိလာမည့် ကမ္ဘာလှည့် ခရီးသည်များအတွက် ကြိုတင်ခွင့်ပြုချက် လျှောက်ထားရယူသည့် ဆိုက်ရောက်ဗီဇာ (Pre Arrangement Visa On Arrival)
- ရန်ကုန်အပြည်ပြည်ဆိုင်ရာ ဆိပ်ကမ်းသို့ ရောက်ရှိလာမည့် ကမ္ဘာလှည့်ခရီးသည်တင်အပျော်စီး သင်္ဘောများ၏ ခရီးစဉ်ခွင့်ပြုချက် နှင့် စပ်လျဉ်း၍ သက်ဆိုင်ရာ ခရီးသွားကုမ္ပဏီများသည် ဟိုတယ်နှင့် ခရီးသွားလာရေး ဝန်ကြီးဌာနမှ တစ်ဆင့် နိုင်ငံတော်သမ္မတရုံးသို့ တင်ပြခွင့်ပြုချက် ရယူရမည်။
- ၎င်းခရီးစဉ်ခွင့်ပြုချက်နှင့်အတူ ဟိုတယ်နှင့် ခရီးသွားလာရေးဝန်ကြီးဌာနမှ တဆင့် အပျော်စီးသင်္ဘောနှင့် အတူပါရှိမည့် ခရီးသည်များအနက် ဗီဇာမပါရှိသူများအား ဆိုက်ရောက်ဗီဇာ (Pre Arrangement Visa On Arrival) ခွင့်ပြုပေးနိုင်ရေးအတွက် အမည်စာရင်း၊ နိုင်ငံကူးလက်မှတ်အမှတ်တို့နှင့် တကွ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနသို့ ကြိုတင်လျှောက်ထားရမည်။
| ခွင့်ပြုဗီဇာအမျိုးအစား | နေခွင့် | ဗီဇာကြေး |
|---|
| ကမ္ဘာလှည့်ဗီဇာ (Tourist Visa) | 28 Days | 30 USD |
ဆိုက်ရောက်ဗီဇာ(Visa On Arrival) အတွက်လိုက်နာရမည့် စည်းကမ်းသတ်မှတ်ချက်များ
ဆိုက်ရောက်ဗီဇာ(Visa On Arrival) စနစ်တွင် လုပ်ငန်းဗီဇာ၊ အလုပ်ရုံ/ဆွေးနွေးပွဲ/အစည်းအဝေး/သုတေသနဗီဇာ၊ ဖြတ်သန်းဗီဇာနှင့် ယာဉ်အမှုထမ်းဗီဇာ လျှောက်ထားသူများ လိုက်နာရမည့် စည်းကမ်းသတ်မှတ်ချက်များ
- သက်ဆိုင်ရာနိုင်ငံမှ ထုတ်ပေးထားသည့်တရားဝင်နိုင်ငံကူးလက်မှတ်ကိုင်ဆောင်သူ ဖြစ်ရမည်၊ Passport သက်တမ်းသည်ရောက်ရှိသည့်နေ့၏ နောက်ပိုင်းအနည်းဆုံး (၆) လ သက်တမ်းကျန်ရှိရမည်။
- လွန်ခဲ့သည့် (၆) လအတွင်းက ရိုက်ကူးထားသည့် (၄စင်တီမီတာx ၆စင်တီမီတာ) ရှိ ရောင်စုံဓါတ်ပုံ (၂) ပုံ အသင့်ယူဆောင်လာရမည်။
- လုပ်ငန်းဗီဇာဖြင့် ကနဦးဝင်ရောက်မည့်သူများဖြစ်ပါက လျှောက်လွှာနှင့်အတူ တာဝန်ခံခေါ်ဆောင်သူကုမ္ပဏီ၏ ဖိတ်ခေါ်စာပါရှိရမည်။(ထပ်တိုးနေထိုင်ခွင့်မပြု)
- မြန်မာနိုင်ငံအတွင်း လုပ်ငန်းလုပ်ကိုင်နေသူဖြစ်ပါက လျှောက်လွှာနှင့်အတူ လုပ်ငန်းလုပ်ကိုင်နေသည့်ကုမ္ပဏီ မှတ်ပုံတင်/ လုပ်ငန်းလိုင်စင်၊သက်ဆိုင်ရာဝန်ကြီးဌာနများမှ ထုတ်ပေးသော လုပ်ငန်းလုပ်ကိုင်ခွင့်ပြုကြောင်း အထောက်အထားမိတ္တူပူးတွဲတင်ပြရမည်။
- မြန်မာနိုင်ငံအတွင်း လုပ်ငန်းဗီဇာဖြင့်လုပ်ငန်းလုပ်ကိုင်နေသူဖြစ်ပါက အလုပ်လုပ်ကိုင်သည့်စက်ရုံအမည်၊ တည်နေရာ၊ တာဝန်ခံခေါ်ဆောင်သူ၊ လုပ်ကိုင်သည့်ရာထူး စသည်တို့ကို ပြည့်စုံစွာ ဖေါ်ပြလျှောက်ထားရမည်။
- မြန်မာနိုင်ငံအတွင်း လုပ်ငန်းဗီဇာဖြင့်လုပ်ငန်းလုပ်ကိုင်နေသူဖြစ်ပါက နေခွင့်သက်တမ်းတိုးမြှင့်လျှောက်ထား လိုလျှင်သက်ဆိုင်ရာဝန်ကြီးဌာနများ၏ ထောက်ခံချက်ဖြင့်တည်ဆဲလုပ်ထုံးလုပ်နည်းနှင့်အညီ လျှောက်ထားနိုင် ပါသည်။
- ပြည်ဝင်ဗီဇာဖြင့်အစည်းအဝေးများ၊ အလုပ်ရုံဆွေးနွေးပွဲများ၊ တွေ့ဆုံပွဲများ၊ အခမ်းအနားတက်ရောက်မည့်သူများ ဖြစ်ပါက သက်ဆိုင်ရာဝန်ကြီးဌာနများမှ ဖိတ်ကြားစာ ပူးတွဲတင်ပြရမည်။
- လျှောက်လွှာတွင်ဖော်ပြထားသော လုပ်ငန်းမှအပအခြား မည်သည့်လုပ်ငန်းကိုမဆို အခဖြင့်ဖြစ်စေ၊ အခမဲ့ဖြစ်စေ လုပ်ကိုင်ခြင်းမပြုရ။
- ဖြတ်သန်းဗီဇာ လျှောက်ထားသူသည်ခရီးလမ်းဆုံးနိုင်ငံသို့ သွားရောက်မည့်လေယာဉ်လက်မှတ်ပူးတွဲ တင်ပြ ရမည်။
- မြန်မာနိုင်ငံအစိုးရအဖွဲ့မှ တရားဝင်အသိအမှတ်ပြု လိုင်စင်ထုတ်ပေးထားသည့်ဟိုတယ်၊ မိုတယ်၊ တည်းခိုခန်းများ ၊တရားဝင်ခွင့်ပြုထားသည့်စက်ရုံအလုပ်ရုံများ၊ နေအိမ်အဆောက်အဦများတွင်နေထိုင်ရမည်။ တည်းခိုမည့်လိပ်စာကို အတိအကျဖေါ်ပြရမည်။
- မြန်မာနိုင်ငံအစိုးရအဖွဲ့၏ တည်ဆဲဥပဒေ၊ နည်းဥပဒေ၊ လုပ်ထုံးလုပ်နည်း၊ အမိန့်နှင့်ညွှန်ကြားချက်အားလုံးကို တိကျစွာ လိုက်နာမည်ဖြစ်ကြောင်းဝန်ခံကတိပြုရမည်။
- မိဘ၏ နိုင်ငံကူးလက်မှတ်၌ ပူးတွဲပါရှိသော အသက်(၇) နှစ်အောက်ကလေးများကို အခမဲ့ပြည်ဝင်ခွင့်ပြုမည်။ သီးခြားနိုင်ငံကူးလက်မှတ်ကိုင်ဆောင်သူ အသက်(၇) နှစ်အောက်ကလေးများ ခေါ်ဆောင်လာပါက သား/သမီး ဖြစ်ကြောင်း အထောက်အထားတင်ပြနိုင်ရမည်။
- ကန့်သတ်နယ်မြေများသို့ ကြိုတင်ခွင့်ပြုချက်မပါရှိဘဲ သွားရောက်ခြင်းမပြုရ။
- မြန်မာနိုင်ငံအတွင်း ရောက်ရှိနေထိုင်စဉ်ညအိပ်ရပ်နားသည့်တည်းခိုရာဟိုတယ်၊ မိုတယ်၊ အင်း၊ တည်းခိုခန်း၊ စက်ရုံအလုပ်ရုံ၊ နေအိမ်၊ ရုံးခန်းလိပ်စာများအား သက်ဆိုင်ရာမြို့နယ်အမျိုးသားမှတ်ပုံတင်နှင့် နိုင်ငံသားဦးစီး ဌာနသို့ သတင်းပို့တင်ပြရမည်။
- ပြည်ဝင်ခွင့်မပြုကြောင်း ဆုံးဖြတ်ခံရပါက မူလလိုက်ပါလာသည့်လေကြောင်းလိုင်းအစီအစဉ်ဖြင့်ထွက်ခွာလာသည့်နိုင်ငံသို့ ပြန်လည်ထွက်ခွာရမည်။
- ပြည်ဝင်ခွင့်ပြုခြင်း ကိစ္စနှင့်စပ်လျဉ်း၍ ဆိုက်ရောက်ဗီဇာခွင့်ပြုမှု စိစစ်ရေးအဖွဲ့၏ ဆုံးဖြတ်ချက်ကို လိုက်နာဆောင်ရွက်ရမည်။
ဆိုက်ရောက်ဗီဇာ(Visa On Arrival) စနစ်တွင် ကမ္ဘာလှည့်ဗီဇာ လျှောက်ထားသူများ လိုက်နာရမည့် စည်းကမ်း သတ်မှတ်ချက်များ
- သက်ဆိုင်ရာနိုင်ငံမှ ထုတ်ပေးထားသည့်တရားဝင်နိုင်ငံကူးလက်မှတ်ကိုင်ဆောင်သူဖြစ်ရမည်၊ Passport သက်တမ်းသည်ရောက်ရှိသည့်နေ့၏ နောက်ပိုင်းအနည်းဆုံး (၆) လ သက်တမ်းကျန်ရှိရမည်။
- လွန်ခဲ့သည့် (၆) လအတွင်းက ရိုက်ကူးထားသည့် (၄စင်တီမီတာx ၆စင်တီမီတာ) ရှိရောင်စုံဓါတ်ပုံ(၂) ပုံအသင့်ယူဆောင်လာရမည်။
- အလည်အပတ်ရည်ရွယ်ချက်ဖြင့် ဝင်ရောက်ခြင်းအတွက်သာ ခွင့်ပြုမည် ဖြစ်ပါသည်။
- နေခွင့်သက်တမ်းတိုးရန် လျှောက်ထားခြင်းကို ခွင့်ပြုမည် မဟုတ်ပါ။
- မြန်မာနိုင်ငံ၏ တည်ဆဲ ဥပဒေ၊ လုပ်ထုံးလုပ်နည်းများကို လေးစား လိုက်နာ ရမည်။
- မြန်မာနိုင်ငံအတွင်း လုံခြုံရေးအရကန့်သတ်ထားသောနယ်မြေမှအပ နိုင်ငံခြားသားများ သွားလာခွင့်ရှိသည့် နေရာ များကို လွတ်လပ်စွာ သွားလာနိုင်သည်။
- ဆိုက်ရောက်ဗီဇာဖြင့် ဝင်ရောက်ရန် ရောက်ရှိလာသူသည် သက်ဆိုင်ရာ လုံခြုံရေးဌာန၊ အဖွဲ့အစည်း နှင့် လူဝင်မှု ကြီးကြပ်ရေးဦးစီးဌာနတို့မှ စိစစ်ပြီး ဝင်ခွင့်မပြုနိုင်သူဖြစ်လျှင် ဝင်ရောက်ခွင့်ကို ငြင်းပယ်ခြင်း ခံရမည်ဖြစ်သည်။
- အပြည်ပြည်ဆိုင်ရာလေဆိပ်မှ ဆိုက်ရောက်ဗီဇာဖြင့် ဝင်ရောက်လာသူသည် မည်သည့် အပြည်ပြည်ဆိုင်ရာ ဝင်/ထွက် ပေါက်မှမဆို ပြန်လည် ထွက်ခွာနိုင် သည်။
ဆိုက်ရောက်ဗီဇာ(Visa On Arrival) လျှောက်လွှာပုံစံ
